SI / కానిస్టేబుల్ ఎగ్జామ్స్ ప్రిపరేషన్ ఎలా ?

రాష్ట్రంలో భారీగా కానిస్టేబుల్ /SI ఉద్యోగాలకు నోటిఫికేషన్ రిలీజ్ అయింది. యూనిఫామ్ ఉద్యోగాలు కొట్టాలని ఎన్నాళ్ళ నుంచో అభ్యర్థులు ఎదురు చూస్తున్నారు.  గత ఎగ్జామ్ లో  గట్టిగా ప్రయత్నించి... 1,2 మార్కుల్లో ఉద్యోగాలు కోల్పోయిన వారు కూడా చాలామంది ఉన్నారు.

అందుకే ఈసారి లక్ష్యాన్ని ఖచ్చితంగా ఛేదించేలా మేం మీకు ప్లాన్స్ అందిస్తున్నాం.  మన www.andhraexams.com లో మీకు  స్పెషల్ ఆర్టికల్స్ అందిస్తాం.  ఇవి పోలీస్ ఉద్యోగాలే కాకుండా మిగతా పోస్టుల కోసం ప్రిపేర్ అవుతున్న వారికి కూడా పనికొస్తాయి.

యూనిఫామ్ ఉద్యోగాలు అంటే కేవలం శారీరక దారుఢ్య పరీక్షలే కాదు... రాత పరీక్షలకు కూడా చాలా ప్రాధాన్యత ఉంది. అందువల్ల మీరు ఎంత ఫిజికల్ ఫిట్ నెస్ ఉన్నా... రిటన్ టెస్టును మాత్రం నిర్లక్ష్యం చేయొద్దు.  గతంలో జరిగిన రిక్రూట్ మెంట్స్ లో నూ ఇదే విషయం బయటపడింది.  మరి మీ మాటేంటి ... మీ ప్రిపరేషన్ ఎంతవరకు వచ్చిందో ఒకసారి చెక్ చేసుకోండి.  మీరు ఇప్పటి నుంచే... ఈ క్షణం నుంచే ప్రిపరేషన్ మొదలు పెట్టండి...

ఒకటి గుర్తు పెట్టుకోండి.... మీ ప్రిపరేషన్ లో ఎన్ని గంటలు చదివాం అన్నది ముఖ్యం కాదు... వాటిని ఎంతగా అర్థం చేసుకున్నాం అన్నదే ఇంపార్టెంట్.  అందుకే మీరు చదివిన తర్వాత... తప్పనిసరిగా మిమ్మల్ని మీరు పరీక్షించుకోండి.  అంటే తప్పనిసరిగా మాక్ టెస్టులు రాయాల్సిందే. బోర్డు ఫైనల్ ఎగ్జామ్ రాసేలోపు మీరు ఎన్ని ఎగ్జామ్స్ ప్రాక్టీస్ చేస్తారన్న దానిపై మీ విజయం ఆధారపడి ఉంటుంది. గతంలో విజేతలైన చాలామంది చెప్పిన సక్సెస్ మంత్ర ఇదే.

ఎస్ఐ/కానిస్టేబుల్ జాబ్ కోసం ప్రిపేర్ అవుతున్నవారు.. ఆ ఉద్యోగం ప్రాధాన్యతను తప్పనిసరిగా తెలుసుకోవాలి. ఉద్యోగం రావడం వల్ల కలిగే ఆర్థిక, సామాజిక హోదా, గుర్తింపు లాంటి అంశాలను విశ్లేషించుకోవాలి. అప్పుడే మీలో పట్టుదల మరింత పెరుగుతుంది.  ఒక్క పోలీస్ ఉద్యోగాలే కాదు... ఏ కొలువుల విషయంలో అయినా... ఇలాగే మనసులో ఊహించుకోవాలి.  అప్పుడే మీ ప్రిపరేషన్ స్థాయి పెరుగుతుంది.  మీ లక్ష్యం మీ కళ్ళ ముందు కనిపిస్తుంది.

పోలీసు కావాలనే లక్ష్యాన్ని నిర్దేశించుకున్న వారు తమ విద్యార్హత, శారీరకంగా ఉండాల్సిన అర్హతలను బట్టి ప్రిపరేషన్ మొదలుపెట్టాలి. చాలా మంది అభ్యర్ధులు తమకు ఈ అర్హతలు ఉన్నప్పటికీ ఎస్ఐ/కానిస్టేబుల్ ఉద్యోగాలపై దృష్టిపెట్టడం లేదు. యూనిఫామ్ ఉద్యోగాలకు ఏం వెళతాం లే....మనకి వస్తుందో రాదో... ఇలాంటి సందేహాలు మనసులో పెట్టుకుంటారు.  లేకపోతే... అవన్నీ అమ్ముడు పోయాయట... మా ఫ్రెండ్ చెప్పాడు... అని మిమ్మల్ని మీరు సర్ధి చెప్పుకుంటారు.   ఇలా అనుకుంటే ఒక రకంగా మిమ్మల్ని మీరు మోసం చేసుకుంటున్నట్టే.  మీరు నూటికి 90 లేదా 95 తెచ్చుకున్నారనుకోండి... లేదా హయ్యస్ట్ మార్కులు తెచ్చుకున్నారనుకోండి... మిమ్మల్ని కాదని... ఎంత పైరవీ చేసినా... వేరే వాళ్ళకి ఉద్యోగం ఎలా ఇస్తారు... ఆలోచించండి... పైగా అన్ని పోస్టులు అమ్ముకునే పరిస్థితే ఉంటే... సర్కార్, అధికారులు అభాసు పాలవుతారు.  అందువల్ల దయచేసి వాటి గురించి ఆలోచించడం మానేయండి.

చాలామంది విద్యార్హతలో మంచి మెరిట్ ఉన్నా.. ఫిట్ నెస్ లో నెగ్గలేమో అనే అభిప్రాయం ఉంటుంది. ఇది అపోహ మాత్రమే. ఎలాంటి వారైనా సరే... రెండు నెలలపాటు ప్రతి రోజూ 2 గంటలు గ్రౌండ్ ప్రాక్టీస్ చేస్తే ఈవెంట్స్ ఈజీగా కొట్టేయచ్చు.

ఇక Physical Fitness  ఉండి, విద్యార్హతలు కూడా ఉన్నా... రిటన్ టెస్టులో సక్సెస్ కాలేమో అనే భయం మరికొందరిలో ఉంటుంది. అలా ఎందుకు భయపడతారు... అంటే... మ్యాథ్స్ బ్యాక్ గ్రౌండ్ లేకపోవడమే.  అర్థమెటిక్, రీజనింగ్ కి గురించి భయపడి కొందరు ఈ పోస్టులకు దూరంగా ఉంటున్నారు. అది తప్పు...సబ్జెక్ట్ ప్రిపేర్ అయితే ఎలాంటి ప్రాబ్లెమ్ ఉండదు. గత సిలబస్, గత ఎగ్జామ్ పేపర్స్ చూస్తే ఎలాంటి బ్యాగ్రౌండ్ లేకుండా... కేవలం విషయ ప్రాధాన్యత ఆధారంగానే ప్రశ్నలు ఇస్తున్నట్టు గమనించవచ్చు. గత ఐదారు ఎస్ఐ పరీక్షల్లో అడిగిన పరీక్షల సరళి గమనిస్తే అర్థమెటిక్ విభాగం నుంచి 100 మార్కులు వస్తున్నాయి.

వీటిల్లో :
బేసిక్ మ్యాథ్స్, క్షేత్రగణితం, సంఖ్యా వ్యవస్థ, సగటు, శాతాలు, లాభనష్టాలు, కాలం-పని, కాలం-దూరం లాంటి అంశాల నుంచి దాదాపు 70 మార్కులు వస్తున్నాయి. మిగిలిన అంశాల నుంచి 30 మార్కులు ఉంటాయి. కేవలం క్షేత్రగణితం నుంచే 12 నుంచి 20 ప్రశ్నలు అడుగుతున్నారు.

ఎస్ఐ/కానిస్టేబుల్ ఉద్యోగ సాధనలో అర్థమెటిక్, రీజనింగ్ పేపర్ ది కీలకపాత్ర. ఈ పేపర్ లో మ్యాథ్స్ విద్యార్థులకే ఎక్కువ మార్కులు వస్తాయనేది మాత్రం అపోహే అంటున్నారు నిపుణులు.  గతంలో జరిగిన పోలీస్ పరీక్షలు చూస్తే... 10వ తరగతి స్టాండర్డ్ మాత్రమే వచ్చాయి. అందువల్ల మ్యాథ్స్ బ్యాక్ గ్రౌండ్ లేని వారు ఎట్టి పరిస్థితుల్లో భయపడొద్దు. ఈ ఎగ్జామ్స్ లో అడిగే విషయాలన్నీ పాఠశాల స్థాయిలో చదివే ఉంటాం. అందువల్ల మరోసారి ప్రాక్టీస్ చేయడంతో పాటు Short-cuts నేర్చుకుంటే... ఎక్కువ మార్కులు ఈజీగా తెచ్చుకోవచ్చు. సంఖ్యా వ్యవస్థ, చక్రవడ్డి, బారువడ్డి, నిష్పత్తి, అనుపాతం, సగటు, శాతాలు, లాభం, నష్టాలు, కాలం-పని, కాలం-దూరం, పని-వేతనాలు, భాగస్వామ్యం, క్షేత్రగణితం, గడియారాలు, క్యాలండర్ లాంటి అంశాలపైనా దృష్టి పెట్టాలి.

ఎగ్జామ్ పేపర్స్ అనేవి...అభ్యర్థుల Basic Knowledgeని పరీక్షించేవిగా ఉంటాయని గుర్తుపెట్టుకోండి. అంటే కేవలం 10వ తరగతి వరకు చదివిన సబ్జెక్టుల్లోని అంశాలపై అభ్యర్ధులకు ఉన్న అవగాహన, విషయం పరిజ్ఞానాన్ని పరీక్షిస్తారు. దీనికి అదనంగా రీజనింగ్ ఉంటుంది. దీంతో ఉద్యోగార్థుల మెంటల్ ఎబిలిటీని పరీక్షిస్తారు. ఈ విభాగంలో వచ్చే అన్ని ప్రశ్నలు సాధారణ స్థాయి విద్యార్థులు సాల్వ్ చేసేవిగానే ఉంటాయి.  అందువల్ల మ్యాథ్స్, సైన్స్, సోషల్ సబ్జెక్టుల్లో దేనికి చెందినవారైనా అన్ని విషయాలపై పట్టు సాధిస్తే... ఉద్యోగం సాధించవచ్చు.  All the best

PC/SIకి 100 మాక్ టెస్టులు+10 గ్రాండ్ టెస్టులు
అన్ని టాపిక్స్ కవర్ అయ్యేలా టెస్టుల ప్రిపరేషన్
పూర్తి వివరాలకు ఈ కింది లింక్ క్లిక్ చేయండి
https://andhraexams.com/police-mock/

( విష్ణుకుమార్ మేడుకొండూరు, సీనియర్ జర్నలిస్ట్ )